جاني يكولي انا سيد هالزمان

جاني يكولي حبيني انا سيد هالزمان
بأي مكان لترحين بس كولي حبيبي فلان
وراح تسمعين اسمي على كل لسان
وراح تشوفين الدلال وتصيرين بنت السلطان
وراح اخذج وياي لكل مصيف واعيشج بجنان
كطعت عليه حجيه واحلامه المالها بقلبي مكان
كلتله على كيفك طره انت يبين عليك غلطان
موانا البنت التركض وره المال انت متيه العنوان
بس عندي الك سؤال :::
لاتظن اكولك شكد رصيدك بالمليون
لو سيارتك اخر موديل ويالون
لو هالصيفيه بيا مكان راح تصيف بالكون
ولتكلي شلون ماشلون
ياترى فلوسك تحسسك بالامان
تنسيك الحرمان ..لو تنسيك كل ماكان
تمحي من حياتك الهموم والاحزان
ومتخليك تفارك الاهل والاحباب والخلان
جاوبني مو كلتلك انت غلطان بالعنوان
انا همومي لااصيف بكان ولا اصير بنت السلطان
همومي اكبر منك واكبر من هالزمان
انا حلمي يحبني واحد شاعر وفنان
يملي قلبي بالحب والامل والحنا ن
يجيني دوم بشوك ولهان واخلاص وعرفان
بس خساره هذا الزمن مابيه امان
كتل احلامي مات الشاعر ومات الفنان
والمال اللي تفتخر بيه مايعنيني اي عنوان
ماريد عالم الخوان والخذلان والنسيان
كلي على كيفج شويه اريد اسالج كبل ماترحين
كوليلي انت بنت منو و منين
واريد اسالج راح اشوفج بعدين
اكولك بكل فخر ..انا لابنت امير ولاتاجر ولا وزير
انا بنت رجل عاش فقير ومات فقير
بس كلبه مثل البحر جان جبير
مات وهو واكف يشتغل يجيبنا الخبزه
بعيوني وبكلبي عايش ميموت
وانا بعده ماحب اعيش بحرير
انا عابرة سبيل ..انا عابرة سبيل