ميلن لا تنكطن كحل فوك الدم

.. ميلن
.. لا تنكطن كحل

, ميلن
وردة الخزامه تنكط سم
, جرح صويحب
, بعطابه
ما يلتم
لا تفرح أبدمنه ..لا يالكطاعي
صويحب من يموت .. المنجل يداعي
.. حـــــاه
:شوسع جرحك
, ما يسده الثار
.. يصويحب
, وحك الـــدم
ودمك حار
, من بعدك
مناجل غيظ أيحصدن نار

شيل بيارغ الدم , فوك يالساعي
صويحب من يموت المنجل يداعي

.. ميلن .. لا تغيظنه
بجه صويحب
, وبجفنه النــدى
.. نجم الكحل
غــايب
, لو يشرك أردود
, المسج
ونعاتب
عتب النده , بروح البردي , يالناعي
وملامع عيون انعجه , للراعي

.. لتفزعن , نثايه العين
شدنه
ميلن وردة الخزامه , على الحنه
.. صويحب
مامش صويحب أبد .. منه
هذا أيشان , ما ينذل للأكطاعي
وبليل الخناجر , منجله , يداعي

ودن على المكاحل
يا مظايف هيــل
, غطنه
.. بكحل دخله
ومحبة ليل
.. عكبك سجه يصويحب
هجرني الريل
لتشيلك مذلة الريل يكطاعي
من ريل الرميثه المنجل يداعي
هاي انه اللحضنك
لا تلم روحك
, أضمك بالكصايب
عين لتلوحك
.. يصويحب
.. أفيي ألفييه
لجروحك
يتلاكن عيون الذيب بشراعي
وأحاه أشكبر , ضحجات الاكطاعي

, صويحب على العكل
.. صندوك عرس
أجبير
.. حزمه من الحصاد
أيلفها .. طيب جثــير
.. وين اللي يكلي
.. ( فلان )
وين ايصير
أوصله وادك شراعه بشراعي

صويحب من يموت المنجل يداعي

.. صدور الغيظ
, اينفثن نار
على المشرك
, وجفوف الفلح
لمة شمس ... تحرك
ها.. يلحكم
هاي شرايع , تمزلك
والخنزير ,يزلك بيها , يلراعي

.. حا .. يصويحب
الدكات , أيفتحن دم
.. وبشيمة عطش
.. تنده اليشافع
ســـــــم
.. يلنجمك حمر
عده , العكل تلتم
طيب الذات , خاوه الذيب والراعي
وتوالم عرس واويه وأكطاعي

.. طشن .. طيب
.. وخزامات
, ورز عنبر
وبحسن الكصايب , حنن المعبر
, ما هي جروح
.. يصويحب
نكش خنجر
حسك .. حسك .. أتنبر يهل الناعي
صويحب من يموت المنجل يداعي
.. صويحب
.. هاي حبتك
لا تطول الموت
.. من تسمع شجية الفلح
رد الصوت
هاي الدنيه
عيب يضيج بيها الفوت
البد .. البد .. ابدمك ..يالكطاعي
كل بيدر وراه المنجل ايداعي