الدولة : الجنس : عدد المساهمات : 2810مزاجي : تاريخ التسجيل : 03/02/2010الابراج :
موضوع: جان بيتنا وملك النا يلمنا و حوشه جبير بالعراق الثلاثاء 10 يناير 2012 - 3:31
جان بيتنا وملك النا يلمنا و حوشه جبير بالعراق جيرانا سني و شيعي ومايوم جان بيناتنا انشقاق من يمرض ابن السني الشيعي ياخذه للمستشفى بعناق والسني يروح لسوك ويجيب اشكال انواع المسواق بيناتنا ماجان اكو فرق مسلم مسيحي كلنا اخوه ورفاق الصبح زقازيق الاطفال بالمدرسه صدكوني لصوتهم مشتاق وهاشكل جنا كاضين العمر الجار قبل الدار بالمحبه والوفاق ملعون هالاجتبي ماعجبه الوضع وكال خل نلعب لعبة الفراق اجه عالشيعي وكله شوف السني كاعد بقصر وانت عالحصران واجه عالسني كله انت نايم شوف الشيعي متسلح و جارته ايران وخبطت هاي الناس بعضها وكالوا وين يروح المطلوب من الديان واستمر الذبح عالهويه الشيعي والسني ونسوا الجيره و الجيران وفجروا الحسينيه وماخلوا كنيسه وكتلوا الموذن والقس والمطران وشبعت الناس من الذبح صح شبعوا بس ماشبع الاجنبي الشيطان واستمر الذبح هجت الناس ناس سكنت سوريا وناس تركيا وناس عمان ناس سكنت مصر وناس سكنت الامارات وانتشروا العراقيين حتى بالسودان وماظل بالعراق بس اللي جايز من روحه لو الفقير الماعنده يروح لاي مكان بس العتب مو عالاجنبي ولاعاللي اجوي على ظهور الدبابات و نزلوا بأمان العتب عالشعب شلون اتقشمر بسرعه وشلون اتغيرت الاطباع ليش همه ميدرون ميلمهم اي وطن لو حظن الوطن ضاع هسه رخص العراقي وكع بمحنه صارت ماتلمه لا سما ولا كاع عمت عين الزمان الخله العراقيين يطشرون و يمدون ايدهم للجيران
الدولة : الجنس : عدد المساهمات : 10368تاريخ التسجيل : 07/10/2009
موضوع: رد: جان بيتنا وملك النا يلمنا و حوشه جبير بالعراق الثلاثاء 10 يناير 2012 - 5:31
لا عاب حلكك ميوقرا ناصر , عاش قلمك وعاشت مخيلتك ودام قلبك الذي ينبض بحب العراق دوما . أبو فرات
مع المحبة والتقدير
anton عضو شرف الموقع
الدولة : الجنس : عدد المساهمات : 1319تاريخ التسجيل : 25/08/2011الابراج :
موضوع: رد: جان بيتنا وملك النا يلمنا و حوشه جبير بالعراق الثلاثاء 10 يناير 2012 - 12:23
العزيز والاصيل ميقرا حبيوا nasir yako يسلم ويعيش كل قلم وطني وشريف والنابع من الاصاله والقيم والتي تربى عليها وشكرا للمشاعر والكلمات النابعه من الاحساس ما في اعماقك .