∲ تظــن أنســـــاك ؟؟ : شـــعر شـــعبي ∲

تظن انساك وانته الروح واسلاك
سبب مايوم مني انقطع وسلاك
أعيش آنه عقب فرگاك وسلاك
معافي والوشاة أعملوا بيه
أنا صابر وانتظر واشوف وعداي
أنا طحت ومرضت مرض أيوب وعداي
أنا خبرك ياحبيبي درى بوعداي
البقى ابراسك هواك العمل بيه
نحيل الجسم بودادك وداراك
عجيبه الغيرك عني وداراك
أحلف ما أصل بابك وداراك
ولأقولن چنت صاحب إليه
من مثلي دمع عيني يهلهه
سبب غالب على روحي يهلهه
وعلي تحيولكم ميت يهلهه
من تبدي ترد الروح اليه
الدمع نهران بخدودي كراهه
حبيبي سلب من عيني كراهه
ليش امحبتك صارت كراهه
اشبده مني وتشمت اعداي بيه
أضعضع حيلي من فرقاك ونهار
اوعليك ادموعي صبن مزن ونهار
بعد ماعرف طعم الليل ونهار
إتعمى عين الغفت بجفاك إليه
مدري لاتناشدني على احشاي
بجيت وصب دمع عيني على حشاي
تبعت الضعن وكفوفي على حشاي
إشما مال الضعن روحي إتميل بيه
تهت محد من احباب علي شار
ينجيني الذي شمسه علي شار
حبيت المصلحه طلعت على شار
رجيت الغانمه صارت رديه
اعذرني والوكت عنك لهاني
بعزاك الزاد الي ابدا لهاني
تفر من البدن روحي لهاني
بسبب ماشالت التابوت هيه
* منتديات عراقنـــــا *