لــيــــــش يـــــــا عـــــراق ؟؟؟ بقلم الشّاعر العراقي * المهاجــــر *
ليـــش يا عـــراق يبقى آسمي دوم مهاجـــر وين ما أروح وليش ياعــراق يبقى آسمي من تعداد السكان دوم ممسوح وليش يا ساسة العراق سرقة ونهب ثروات العراق الكم مباح ومبحوح بس ترى إهانة كرامة العراق عليكم خط أحمر غير مسموح ليش يا عــــراق تبـــقى هيــچي دوم مجـــروح وآحـنا الخليناك بنص الگلب وأعــز من الـروح لا تخلــي أحبـابـــك تســـافـــــــــر وتـــــروح أحضنهم يا وطــن وداوي كــل الجــــــــــروح وطنّا أحلى وطن .. وطنّا ما نلگـا مثله وين ما نروح لا تــتــغـــــرب يــــا عــــراقـــــــــي تَرى بغــربتـــك تبقى دومك ذليـــــل وكلما تخلي راســك على المخـــــدة وتتذكر اهـلـــك دمــوعــك تسيــــــل وطــنّا احلى وطــن وطــنّا أصيــــل
ليــــش يـــا عــــراق احنا النستورد مشــــتقات النفــط ! ومدفونه تحت التـــراب مشتقاتــــك آحنا النوگف على النفط والغاز طوابير وكل من هب ودب يشفط بنفطاتــــك
ليــــش يــــاعــــــراق كانوا كل العرب متمتعيــن بخيراتـــك وهســـــــة يگـولون لولْــدك حضّر بجيبك تأشيراتـــك خسرنا كل عمرنا وشبابنا وعشنا بأمل بلكت بالمستقبل نتمتـــع بخيــــراتـــــك ولحـــد الآن ما حصلنــــــا شــــــي حتّــــى على فــضـــلاتــــــــك
ليــــــش يـــــــاعـــراق آحنـــا بـلــــد الـنـهـــريـــن والماي ما يجينا بس ساعتين آحنـــــا بــلـــــد الســـــــدود والكهرباء عدنا على طول ما موجود ! آحنـــــا بلــــــد الزراعـــــــة وشعارنا .. الزراعة نفط دائـــم بس البطاقة التموينية حبر على الورق بشكل دائم وحتى الهوا لو ما كان بالجــــو حٌــــر كان باعــووه ألنــــــا بأعــلــى سعـــــر
ليــــش يـــا عــــــراق لا تهزك كل الرياح القادمة من دول الجوار وصبرك على الدول اللّي ما تعترف بالحوار أحكم يا زمن على قبلات مسؤوليهم وأحر العناق انها سيـــاسة خبيثة انها سياسة النفــــاق تصريحاتهم شكل وأفعالهم شكل تبقى حبر على الأوراق
لـيــــش يــــا عـــــــراق ترعبهم تجربتنا الجديدة ويصيبهم الإخفاق الديمقراطيـــة مــا تعجبهــــــم وتطير كل الكراسي وعلى أبعد نطاق لــيـــش يـــا عـــــــرب چـان الكــم حقــوق أاكثـر منآ بن البــلـــد وهسة يگـولون للعراقي لاتطب البلد يــا ولـــد ! من طاح حظ الوكت اللّي خلّـى كل عراقي بديرة ومــــا بقى هناك لا عائلة ولا عشـــيــرة بس يفكر شلون راح يبقى مصيرة !
ليـــــــش يـــا عــــــــراق ؟ من چــان واحدهــــم يصيح آآه چنا انقدملهـــم كل العـون والخيرات وهسا انتو تصدرونا كلtnt والمفخخات وما نسينا يا عــــــرب زمــن الحصار من چنتو تحاصرون الطفل العراقي من كل رضعة حليب وآحنـــا جنــــا نرضـعــــكــــــم نــفـــط ليش يـــا عــراق كلها تتواگـح ويـــــا ك العراقي يتگطّـع وصل وينذب هنا وهناك چانت خيراتنا عليهم تنزل مثل المطـــر وهسا خلوا الأرهاب بخاصرتنا مثل الخنجر؟ شلون ما يخافونك ويحاربونك يا عــــــراق أنت تبقى دومك بشعـبـك عمــــلاق وتبقــى ساكن بالگـلوب والأعمـــاق
لــيــــش يــــا عــــــــراق ؟ يتكالبـــون عليـــك من كــل دولة ودولة ؟ ومــن كــــل صــوب وصــــوب ؟ لأن عندك الذهب الأسود ودجلة وفرات ونگـلهم عدنـــا مــو بـــس نفط عـدنــــا المعــــادن أنـــــــواع ودم العــراقــــي نهـــر يجري ومن أجل العراق برخص ينباع ولو حفــروا بأرضنـــا شــــبــر تطلع الغيـــــــرة من الگـــــاع ويجعلون الدول الماتعترف بالقوانين غصبا عليها تـنـــصـــــاع ولا تزعل من نعاتبك يا عــــراق يـــا عــراق العتب مو عليـــــك العتب عـلى رجال السياسة ! ينسون حـقـــوق شعبهــــــم ويـدوْرون على منافع كرسي الرئاسة ويـــن ذاك الـيـجـيــنــــــــا عراقي بكل معنى العراقي ويلم كل أبنــــــاء الوطــن تحت خيمة وحدة وبكل سياسة نريد من يبتعـــد عـن الطائفية ترى الطائفية غريبة عن العراقيين جابوها من يريد يـدّمـر العراق من أساسـه ترى المايمشي ويّـــا شـــعبنـا عـــــدل أكو مية واحد يعمل على هذا الكرسي دراسة والله الماينطي حقوق شعبا ترى التاريخ ما يرحم وينتكـــــس أكـبــــــر آنتكــاســـــــــــة والتاريــــخ شـــاهـد على ذلـــك وحطم أكبر واحد بالعالم شراسة لا تنســــــون حقــوق شعبكـــم والله لو ثـــــار الشعب ويتحرك بعد ما تفيــد كــلّ الجيـــووووش وشـگد ما أكو داير مدايركم حراسة راح الوكت اللّـي كان مثقفنا ذلـيـــل الديمقراطـيــــــــة حــلـــوه وحرية التعبير عن الرأي شيء جميل الديمقراطية تجمع كل الأطياف وكل الأحزاب وتجمعنا وكتاباتــنـا في المنتدى أكبر دليـــل بس الخربـــوها اليـطبــون مـــن الحـــــدود مثل الفئران وصاير للدول الجوار عميــل أبقى شامخ يا عراق لا تميـــــل دماء العراقيين دفاعاً عن الحرية بعدها تسيل يا عراق أنت أحلى وطن وبيـــك أطيب ناس وراح تبقى تاج العرب وعگال فـــوك الرأس .
من هنا 
من هنا 
من هنا 
الثلاثاء 11 ديسمبر 2012 - 19:36
