مـِنْ يـشْـتـريـهـَه بـَغـْدادْ

مـِنْ يـشْـتـريـهـَه بـَغـْدادْ
ميسون نعيم الرّومي

مـازادْ صاحـَوْ مازادْ - مـِنْ يـشْـتـريـهـَه بـَغـْــدادْ
بـَغـْدادْ بـنـتْ المنصورْ- باعوهـَه كـُلهـَه الأحـْـفـادْ
بغداد الگــَطــّعـَتْ بيــهـَه اسـْـــــيــوفْ
بـيــهـَه الـغـُرُب كـِلهـَـه اتـْحـوفْ
مـو كـافــي كاتـِـلـْـنـَـه الخـوفْ
مَـرْبـودَه انـْربـْدَتْ أحـْـلـَه ابـْلادْ – مـازادْ صاحـَوْ مازادْ
مـِنْ يـشْـتـريـهـَه بـَغـْدادْ
*************
بـَغـْـدادْ ويـَــنْ اهـْـلـچْ ويـــــنْ
كــَرْخْ اورصافـَه الصوبـيـَــنْ
مـَشـْبـوچـَه زيـنْ اويـَه الشـيـنْ
انـْبـاعـَتْ شـَـلـعْ لـلجـَلادْ – بـاعـوهـَه كــُلهـَه الأحـْفـادْ
مـازادْ صاحـَوْ مازادْ
************
شـَط العـَرَبْ هالبـاعـوه
مـي الفـراتْ الـكـرْمـوه
دجـْـلــَه صَفـحْ هالداروه
عـَديـَنـَه اوتـاهـَتْ لـَعـْدادْ - مـازادْ صاحـَوْ مازادْ
مـِنْ يـشْـتـريـهـَه بـَغـْدادْ
************
ماكـوْ زَرعْ .. صارَتْ بـورْ
بـَغـْـــدادْ مـَلـْيـانـَه اگــْبــورْ
تـصْرَخْ اوتـبـْچـي امنْ الجـورْ
جـَلادْ يـورثْ جـَلادْ - بـاعـوهـَه كــُلهـَه الأحـْفـادْ
مـازادْ صاحـَوْ مازادْ
***********
بـَغـْــدادْ أمـَّـــكْ نـَواسْ
بـيـهـَه الأدَبْ كـُـلـَّه انـداسْ
والـفـاسْ طايـحْ بـالـراسْ
والعـيـشـَه صارَتْ بالكـادْ - مـازادْ صاحـَوْ مازادْ
مـِنْ يـشْـتـريـهـَه بـَغـْدادْ
************
عـيـشـَـة قـَهـَرْ گــَدْ ابـْگــَد
ثـَرواتْ ضاعـَتْ واشـْگــَد
لاتـنـْحـسـبْ لاتـِـنـْعــَــد
مـزروفْ جـيـَبْ الأسـْـيادْ- مـِنْ يـشْـتـريـهـَه بـَغـْدادْ
باعـوهـَه كــُلهـَه الأحـْفـادْ
************
لاحـَظ لابـَخـَتْ هالحـْكامْ
صَخـْمـَـوْ بـَلـَدْنـَه بـصْخـامْ
حـَضْروْ يـَـنـاسْ الأبـْـلامْ
مطرَتْ اوغـَرْگــَـتْ بـَغـْدادْ – مـازادْ صاحـَوْ مازادْ
مـِنْ يـشْـتـريـهـَه بـَغـْدادْ
************
بـلـْعـوهـَه كــُلهـَه بـَغـْدادْ
نـبـْچـي اونـِعـدْ بالاجـدادْ
مـازادْ صاحْ ابـَغـْــدادْ
حـَجـاجْ يـحـْكــُمْ بـَغـْدادْ - باعـوهـَه كــُلهـَه الأحـْفـادْ
مـِنْ يـشْـتـريـهـَه بـَغـْدادْ
************
بـَغـْدادْ العـَزيـزَه الضـاعـَت
يـاوَسـْفـَه كـُلهـَه انـبـاعـَتْ
مـَهـْضـومـَه تـبـْچـي اوصـاحـَتْ
لهـنايَـه ولـَكْ .. بـَـسْـكـمْ عـادْ – بـعـتـوهـَه كـُلهـَه بـَغـدادْ
مـازادْ صاحـَوْ مازادْ - مـِنْ يـشْـتـريـهـَه بـَغـْدادْ
************
نوفمبر / 2013
ســــتوكهولم