روحـَــك حـاسِـِــبـْهـَـه اوباريـهـَـــه

روحـَــك حـاسِـِــبـْهـَـه اوباريـهـَـــه
ميسـون نعيم الرّومـي

يـالـتـوصِفْ غـيـرَكْ بالشـيـنـَه ـ أوصافـَكْ هـذي اوتـخـْـفـيـهـَه
تـنـسـبـْهـَه الغـيـَرَكْ مـتـْعـَمـدْ ـ رايـدْ تـمـلصْ مـنـهـَه اوليـَهـَه
اليـدْري خـو يـگدر يدري ـ واللي مـايـدري امـْغـَــطيـَهـه
تـحـِقـْدَ تـحـْمـسْ ليش ابـروحـَكْ ـ مـَرضـانـَه اشـلونْ اتـداويـهـَه
حـِقـْدَكْ چـانـونْ اوهاليـلـْهـَبْ ـ چـَمـْراتـه ابـگـلبـَكْ تـطـْفـيـهـَه
*******
والغِـــْــيـرَه الرايـدْ اوصـفـْهـَه ـ مَـوتــَـتـــَّـك وانت اتعـَــزّيـهــَــه
الــْـغـيـرَه بـَـــلوَه اوللعـالـَمْ ـ مـِنْ عـِدْهـَه اونفسك احـْمـيـهـَه
السـانْ اطـويـلْ اويـتـْـبـَجـَحْ ـ يـنـْگــَصّ السـانـَه اليـشـْريـهـَه
امـَخـبـّـل وابـْعـَـقـلـَــكْ راضي ـ تـشـْبـچْ واطيهـه ابعـالـيـهـَه
مـغرور اوإحـْسـبْ خـطـواتـَكْ ـ والغـيـرَه اتــْعـلـَّــكْ تـاليـهـَه
******
والـيـتعـَدَّه ... كـلــّـش صـَعـْبـَه ـ دنـْيـانـه اوتـعـْرفْ تـِلويـهـَه
متعـلــّم مـچـلوب اچـَلــَـيـبْ ـ مـايـعرف نـَــبـحاتــَـه اشْـبيهـَــه
واليرمي إحجاره اعلـه العالم ـ تـرجـع لِـرويسـك تـرْمـْيـهـَه
للربـّـاهه اچـلاب اوتـوفي ـ چـَلبْ السـايـِبْ يـنـْبـَحْ بـيـهـَه
چـَلبْ اليـوفـي بـَس الواحـِدْ ـ موش اثـنـيـَنْ ايـرد يـرضيـهـَه
يـتـْمـَرغـَل مـَچـْتـولْ ابـْدَمـَّه ـ مـَچـْــتـولْ ابـروحـك تـدْمـيـهـَه
***********
مـَكـروه اليـكـرَه بالـعـالـَم ـ روحـَه انـوب ْ ايظِـــل يـآذيـهـَه
حِـشـفاتـك وابـْحـضـْنـَـكْ لِـمـْهـَه ـ بـرْحـيـَّه اولاتـگـْرَبْ لـيـهـَه
لــيش اتـكـــَرّه بـيــك الـوادم ـ تـِلـْعـَبْ لعـْــباتــَــك تِـخــْـفِــيـهـَـه
قـَشـْمـرْ بـالكْ إحـذر قشمـَر ـ مـتـْنـَدمْ عـمـركْ تـگـظيـهـَه
إحـذرْ خـل عـقـلـك وابـْراسـَكْ ـ روحـَكْ حـاسـبْهه اوبـاريـهـَـه
***********
مـحـسـود اوتتصـوَّر نـفسـك ـ اتـخـاف ايحسدوك اشبـيهـَــه
سـبـْع اعـيـون اوازرگْ يلمض ـ ملحاتْ اوحـَرْمـَلْ حـرگـيـهـَه
احـسـبْ زيـَنْ اواعـرف قـدرك ـ عـين اعلـَـه الـحـاجِـب تعليهـه ؟ ـ
حـْجـراتـَكْ لِـمْـهـَه اولا تــِـشـْمـرْ ـ والروحـَكْ لازمْ تـحـْمـيـهـَه
لو حـَسـيـتْ ابـْغـيـرَه اشـويـه ـ تِـعـرگ كِـل گصتـك بالـْبيهـَـه
********
أمـراضْ اهـوايـه الــْبِــلـوادم ـ تـتــْعـَبْ لورايـدْ تـْحـصيـهـَه
يوميـه هالـْـنـِـِقــرَه اونـسـْمـَع ـ نــُـفـــّـاق اوگـالـَوْ يـسـْـبـيـهـه
إبـعـد لاتِـگـْـرَب واتـكـتــّـر ـ رجـلـَكْ لوتـزلـَگْ احـمـيـهـَـه
من تـِچـْذبْ واتـْـنـسْ اوتِشـرد ـ تـخـبط اوْلهـَــه ابـْـتـاليـهـَه
إتــْـدس بـالباطلْ يـخوينـس ـ والـمـّـه امـعـَـلـّم تِـِــــــشريـهـَـه
*******
ليش اليتعب يـكره غـيـرَه ـ للطـبـَّه ايـْــروح ايــداويـهـَه
والحـاقـدْ معــلـول ابـعِـلــْـلــَّـه ـ والعـلـتــَــه لازمْ يـچـويـهـَـــه
والـرايـِـدْ يـتـْمـَنـْطــَقْ لازم ـ گــَدَرْ خـَطـْواتْ اليـمـْشـيـهـَه
هاي البـَدْوَه اوأوَلْ گـطـرَه ـ والـيـفـْهـَمْ يـحسِـب تـالـيـهـَــه
يـالـتـوصِفْ غـيـرَكْ بالشـيـنـَه ـ أوصافـَكْ هـذي اوتـخـْـفـيـهـَه
*********
23 / نوفمبر / 2013
ســــــــــــــــتوكهولم