جواب من طفل لبابا يسوع !!

بسم الاب والابن والروح القدس الاله الواحد امين


أنت عامل إيه يا بابا يسوع ؟ انا كويس قوى يارب
دى أول مرة أكتب لك فيها جواب
أنا أخدت أمبارح فى مدارس الأحد أنك بتدى كل واحد أى حاجة هو محتاجها فلو سمحت يا بابا يسوع ماما تعبانة قوى وعاوز 100 جنية بس علشان أجيب لها الدوا...ممكن تبعتهم لى ..بس بسرعة.......
...أبنك / مينا
هذا الخطاب وجده أحد موظفى البريد موضوع فى ظرف مكتوب عليه

" يسلم ليد بابا يسوع "
العنوان " السما "

وقد شد هذا العنوان انتباه الموظف حتى فتحه ووجد فيه الرسالة السابقة و تأثر بها تأثيراً شديداً بل وقرأها على بقية زملاؤه أيضاً الذين لم يكن تأثرهم أقل منه ، ثم جمعوا تبرعات فيما بينهم ولكن للأسف ما جمعوه كان 90 جنيها فقط فقام هذا الموظف بوضعها فى ظرف إلى مينا.........
وبعد أسبوعين وجد هذا الموظف خطاب بنفس الخط السابق و مكتوب عليه بنفس الخط الطفولى " يسلم ليد بابا يسوع "... العنوان " السما "

فما كان من هذا الموظفى إلا أن فتح الخطاب فوجد فيه الرسالة التاليه :
عزيزى بابا يسوع
أنا متشكر جداً على الفلوس اللى بعتها ... ماما خلاص بقت أحسن كتير...........
لكن لو سمحت لو هاتبعت حاجة تانى ليا بلاش تبعتها عن طريق البوستة.... لأن الموظفين اللى فيها حرامية !!!
أبنك / مينا حبيبك.





بجد الجواب دا يعلمنا البراءه والثقه والايمان فى الصلاه
فعلا يارب مالناش غيرك حتى ولو كانت طلبات بسيطه جدا انت برضو اللى بتحققهالنا


اسالوا تعطوا اطلبوا تجدوا اقرعوا يفتح لكم

منقول