ܕܲܓܵܠ̈ܐ ܒܕܲܪܓܼܐ ܕܝܼܩܵܪܐ : عوديشو سادا

[ندعوك للتسجيل في المنتدى أو التعريف بنفسك لمعاينة هذا الرابط]
« في: 17:31 24/09/2014 »

[size=48]ܕܲܓܵܠ̈ܐ ܒܕܲܪܓܼܐ ܕܝܼܩܵܪܐ
ܡܠܘ̇ܐܵܐ ܦܝܼܫܠܹܗ ܦܪܝܼܣܐ ܓܵܘ ܒܹܝܬܼ ܗܲܘܦܐ ܕܥܲܢܟܵܘܐ ܕܘ̇ܬ ܟܘ̇ܡ
ܒܝܲܕ ܟܲܬܵܒܼܐ ܡܗܝܼܪܐ ܟܲܡܵܐܠ ܠܵܥܵܙܵܪ ܦܲܛܪܘ̇ܣ
ܬܲܪܓܵܡܬܐ؛ ܥܲܒܼܕܝܼܫܘ̇ܥ ܣܵܗ̄ܕܐ ܝܘܼܚܲܢܐ[/size]

[size=32]ܓܵܘ ܙܲܒܼܢܐ ܩܸܫܝܐ ܒܸܟܠܵܝܐ ܝ̄ܠܹܐ ܒܲܪܢܵܫܐ ܒܬܸܕܡܪ̈ܬܼܐ ܚܕܵܪ ܚܙܲܝܵܬܼܐ ܘܲܫܒܼܝܼܠ̈ܐ ܫܵܘܬܵܦܵܝ̈ܐ ܢܟܼܝܼܠ̈ܐ ܕܠܐ ܝܼܠܲܝܗܝ̈ ܟܝܵܢܵܝ̈ܐ ܘܟܠ ܡܲܡܠ̈ܐ ܘܲܥܒܼܵܕ̈ܐ ܠܐ ܚܫܝܼܚ̈ܐ ܝܼܠܲܝܗܝ̈ ܩܒܝܼܠ̈ܐ ܒܝܼ ܒܵܥܘܼܬܼܐ ܘܪܸܥܝܵܢܐ ܕܒܲܪܢܵܫܐ ܒܓܵܐܢܹܗ،، ܡܛܠ ܛܵܒܼܘܼܬܼܐ ܡܫܘܼܢܹܐܠܵܗ̇ ܠܣܲܪܝܘܼܬܼܐ ܘܲܒܗܸܦܟܐ ܣܲܪܝܘܼܬܼܐ ܡܫܘܼܢܹܐܠܵܗ̇ ܠܛܵܒܼܘܼܬܼܐ، ܘܡܐܲܝܟܼ ܕܒܹܐ̄ܡܵܪܐ ܝ̄ܠܹܐ ܡܲܬܠܐ ܝܼܕܝܼܥܐ ܕܲܓܵܠܐ ܘܡܫܲܡܗܐ ܕܦܝܼܫܐ ܝ̄ܠܹܐ ܫܡܝܼܥܐ ܒܟܠܲܝܗܝ̈ ܦܸܢܝܵܬܼܐ ܘܒܸܩܪܵܝܐ ܝ̄ܠܲܝܗܝ̈ ܒܝܹܗ ܣܲܓܝܼܐ̈ܐ ܡܢ ܠܫܵܢ̈ܐ، (ܕܲܓܸܠ ܕܲܓܸܠ ܕܲܓܸ) ܗܲܠ ܕܡܗܲܝܸܡܢܝܼ ܐ̄ܢܵܫ̈ܐ ܒܝܼܘܼܟܼ، ܐܵܗܐ ܡܲܬܠܐ ܩܲܕܝܼܡܐ ܒܥܲܬܝܼܩܘܼܬܹܗ ܐܵܦܸܢ ܕܝܼܬܼ ܒܲܚܒܼܘܼܫܝܹܗ ܡܢ ܙܥܵܦܬܐ ܓܠܝܼܬܼܐ ܡܛܠ ܕܲܓܵܠܘܼܬܼܐ، ܐܝܼܢܐ ܐܲܚܢܲܢ ܒܕܲܥܒܲܪ ܐܵܦܸܢ ܟܹܐ ܚܲܝܐܚ̈ ܗ̄ܘܵܘ ܒܕܘܼܓܠ̈ܐ ܒܚܲܕ̄ܟܡܐ ܪ̈ܦܵܦܹܐ ܕܙܲܒܼܢܐ، ܐܝܼܢܐ ܐܸܕܝܘ̇ܡ ܝܵܘܡܐ ܙܲܒܼܢܐ ܟܠܹܗ ܦܝܼܫܠܹܐ ܕܘܼܓܠܐ ܘܦܘܼܠܵܓܼܐ ܘܪܘܼܫܥܐ، ܘܡܲܕܟܼܘܼܪܹܐ ܝ̄ܠܹܐ ܟܬܼܵܒܼܐ ܩܲܕܝܼܫܐ ܓܵܘ ܥܸܣܪܐ ܦܘܼܩܕܵܢ̈ܐ ܕܗܝܼܒܼܝܼܠܹܗ ܡܵܪܝܐ ܐܲܠܵܗܐ ܩܐ ܒܲܪܢܵܫܐ ܕܒܸܦܩܵܕܐ ܝ̄ܠܹܐ ܒܚܲܕ̄ ܦܘܼܩܕܵܢܐ ܡܢܲܝܗܝ̈ ܘܒܹܐ̄ܡܵܪܐ ܠܐ ܕܲܓܠܸܬ ܥܲܡ ܦܘܼܩܕܵܢ̈ܐ ܐ̄ܚܹܪ̈̄ܢܹܐ ܠܐ ܩܲܛܠܸܬ ܠܐ ܓܲܢܒܸܬ ܠܐ ܥܲܒܼܕܸܬ ܙܲܢܝܘܼܬܼܐ ܘܫܲܪܟܐ، ܒܣܘܼܟܵܠܐ ܒܡܲܥܢܵܝ ܕܕܲܓܵܠܘܼܬܼܐ ܡܐܲܝܟܼ ܕܒܹܐ̄ܡܵܪܐ ܝ̄ܠܵܗ̇ ܫܡܲܝܐ ܝܼܠܵܗ̇ ܒܕܲܪܓܼܐ ܕܩܸܛܠܐ ܘܙܲܢܝܘܼܬܼܐ ܕܠܐ ܦܘܼܪܫܘܼܢܝܐ، ܘܡܛܠ ܐܵܗܐ ܫܪܵܪܐ ܠܲܝܬ ܦܣܵܣܐ ܕܗܵܘܹܐ ܩܐ ܕܲܓܵܠܘܼܬܼܐ ܫܲܘܦܐ ܘܒܲܪܢܵܫܐ ܕܲܓܵܠܐ ܠܹܐ ܦܵܐܹܫ ܦܘܼܚܠܐ ܐܲܡܝܼܢܵܐܝܼܬܼ ܡܛܠ ܝܼܠܹܗ ܓܲܢܵܒܼܐ ܕܒܸܓܢܵܒܼܐ ܝ̄ܠܹܐ ܫܪܵܪܐ ܘܒܸܫܩܵܠܐ ܠܙܸܕܩ̈ܐ ܕܚܹܪ̈̄ܢܹܐ ܕܠܐ ܝ̄ܠܲܝܗܝ̈ ܕܝܼܠܹܗ، ܐ̄ܢܵܫ̈ܐ ܩܲܕܝܼܡ̈ܐ ܟܹܐ ܣܵܝܡܝܼ ܗ̄ܘܵܘ ܡܲܬܒܼܝܼ ܗ̄ܘܵܘ ܟܠ ܐܝܼܩܵܪܐ ܩܐ ܕܐܵܗܐ ܦܘܼܩܕܵܢܐ ܐܲܠܵܗܵܝܐ ܘܟܹܐ ܦܵܣܥܝܼ ܗ̄ܘܵܘ ܒܝܹܗ ܒܩܸܫܝܘܼܬܼܵܐ، ܘܒܐܵܗܐ ܫܒܼܝܼܠܐ ܝܼܗ̄ܘܵܘ ܚܲܪܘܼܦ̈ܐ ܡܐܲܝܟܼ ܣܲܝܦܐ ܕܠܐ ܫܲܘܝܘܼܬܼܐ ܘܠܐ ܣܲܙܓܵܪܬܐ ܘܠܐ ܕܥܵܪܬܐ، ܐܝܼܢܐ ܫܲܠܝܼܛ̈ܐ ܟܠ ܚܲܕ̄ ܡܢܲܝܗܝ̈ ܐܝܼܬܼ ܗ̄ܘܵܐܠܹܗ ܐܘܼܪܚܐ ܕܝܼܠܵܢܵܝܬܵܗ̇ ܕܝܵܗ̄ܒܼܝܼ ܗ̄ܘܵܘ ܬܲܢܒܐ ܩܐ ܐ̄ܢܵܫ̈ܐ ܕܲܓܵܠ̈ܐ ܗܲܠ ܕܫܲܠܛܸܢܝܼ ܗ̄ܘܵܘ ܥܲܠܠܲܝܗܝ̈ ܒܝܼ ܦܘܼܣܩܵܢܐ ܕܡܲܘܬܐ ܒܚܲܕ̄ܟܡܐ ܥܕܵܢܵܬܼܐ،، ܩܐ ܛܘܼܦ̮ܣܐ ܪ̈ܗܘ̇ܡܵܝܹܐ ܟܹܐ ܡܲܩܕܼܝܼ ܗ̄ܘܵܘ ܠܒܹܝܬܼ ܥܲܝܢܐ ܕܕܲܓܵܠܐ ܒܝܼ ܦܲܪܸܙܠܐ ܡܫܘܼܚܢܐ ܗܲܠ ܕܲܪܓܼܐ ܕܲܣܡܘ̇ܩܘܼܬܼܐ ܕܦܵܐܸܫ ܗ̄ܘܐ ܫܲܘܦܐ ܕܝܘܼܩܕܵܢܐ ܓܸܠܝܐ ܩܕܵܡ ܒܲܪܢܵܫܘܼܬܼܐ ܕܠܐ ܦܵܐܹܫ ܗ̄ܘܵܐ ܫܝܼܦܐ ܡܢ ܝܵܘܡܵܬܼܐ ܘܗܲܘܝܐ ܗ̄ܘܵܗ̇ ܣܲܗܕܘܼܬܼܐ ܡܘܼܙܒܲܛܬܐ ܘܛܘܼܒܼܵܥܐ ܕܢܲܚܦܘܼܬܼܐ ܥܲܡܹܗ ܟܡܐ ܕܗܵܘܹܐ ܓܵܘ ܚܲܝ̈ܐ، ܐܸܡܦܪܵܛܘ̇ܪܐ ܪܗܘ̇ܡܵܝܐ ܬܪܵܝܵܐܢܣ(117ܡ)، ܕܝܼܬܼ ܗ̄ܘܵܐܠܹܗ ܡܫܲܡܗܘܼܬܼܐ ܒܚܘܼܒܹܗ ܩܐ ܫܲܪܝܼܪܘܼܬܼܐ ܘܲܣܢܵܝܬܹܗ ܩܫܝܼܬܼܐ ܩܐ ܕܲܓܵܠܘܼܬܼܐ ܐܝܼܬܼ ܗ̄ܘܵܐܠܹܗ ܫܒܼܝܼܠܐ ܡܫܲܚܠܦܐ ܒܝܼ ܥܒܼܕ̈ܐ ܥܲܡ ܕܲܓܵܠ̈ܐ؛ ܟܹܐ ܡܲܬܘܼܒܼܵܐ ܠܗ̄ܘ̇ܢ ܓܵܘ ܚܲܕ̄ ܣܦܝܼܢܬܐ ܕܠܐ ܩܸܠܥܐ(ܫܸܪܵܐܥ)ܘܠܐ ܓܲܕܵܦܐ(ܡܸܟ̮ܕܼܵܐܦ̮) ܕܪܵܕܝܼ ܗ̄ܘܵܘ ܒܝܼܵܝܗܝ̈ ܦܵܘܚ̈ܐ ܘܠܲܦ̈ܐ ܚܲܝܠܬܼܵܢ̈ܐ ܗܲܠ ܕܡܲܝܬܝـܼ ܗ̄ܘܵܘ ܒܝܼ ܚܢܵܩܐ ܓܵܘ ܡܲܝܐ ܐܵܘ ܒܟܸܦܢܐ ܐܵܘ ܒܨܲܗܘܵܐ، ܘܐܸܡܦܪܵܛܘ̇ܪܐ ܡܲܟܪܝܼܢܣ(318ܡ) ܟܸܐ ܡܫܲܠܛܸܢ ܗ̄ܘܐ ܒܩܸܛܠܐ ܕܩܲܘܵܠܐ(ܕܫܵܟܵܝܐ) ܕܲܓܵܠܐ ܕܠܐ ܡܲܙܒܸܛ ܗ̄ܘܵܐ ܠܫܲܪܝܼܪܘܼܬܼܐ ܒܥܸܕܵܢܐ ܕܲܩܘܵܠܬܹܗ ܓܵܘ ܫܟܵܝܬܹܗ، ܘܓܵܘ ܕܵܪܐ ܕܐܸܡܦܪܵܛܘ̇ܪܐ ܟܵܐܪܠܘ̇ܣ ܚܡܝܼܫܵܝܐ(155ܡ) ܟܹܐ ܫܲܠܛܸܢܝܼ ܗ̄ܘܵܘ ܥܲܠ ܐ̄ܢܵܫܐ ܕܲܓܵܠܐ ܕܦܵܣܸܥ ܗ̄ܘܵܐ ܒܐܝܼܕܵܬܹܗ ܘܐܲܩܠܵܬܹܗ ܥܲܠ ܟܲܪ̈ܣܹܗ ܘܢܵܒܸܚ ܗ̄ܘܐ ܡܐܲܝܟܼ ܟܲܠܒܐ ܠܡܸܬܚܐ ܕܪܘܼܒܥܐ ܕܫܲܥܬܼܐ ܩܕܵܡ ܥܲܝܢ̈ܐ ܕܢܵܫ̈ܐ، ܒܗܲܕܟܼܐ ܚܙܲܝܬܵܐ ܡܘܼܣܠܝܼܬܼܐ ܟܹܐ ܚܲܝܪܝܼ ܗ̄ܘܵܘ ܥܲܠ ܦܲܪܨܘ̇ܦܐ ܕܲܓܵܠܐ ܘܥܲܠ ܕܐܵܗܐ ܫܸܪܫܐ ܟܹܐ ܦܲܠܚܝܼ ܗ̄ܘܵܘ ܥܲܡܹܗ، ܐܝܼܢܐ ܒܙܲܒܼܢܐ ܕܩܵܐܹܡ ܡܫܘܼܚܠܸܦܠܵܗ̇ ܨܘܼܪܬܐ ܒܲܓܡܝܼܪܘܼܬܼܐ، ܟܲܕ ܦܝܼܫܠܵܗ̇ ܓܲܕܵܒܼܘܼܬܼܐ ܚܲܕ̄ ܪܸܡܙܐ ܡܢ ܪ̈ܡܙܹܐ ܕܵܪ̈ܵܝܹܐ، ܘܣܲܗܕܘܼܬܼܐ ܕܫܲܦܝܼܪ ܕܘܼܒܵܪ̈ܐ ܣܢܝܼܩܐ ܝ̄ܠܹܐ ܥܲܠܠܵܗ̇ ܟܠ ܡܵܢܝܼ ܕܒܵܥܹܐ ܕܪܵܝܸܡ ܠܕܲܪܓܼܐ ܚܩܝܼܪܐ ܒܣܘܼܪܗܵܒܼܐ ܕܒܲܪܩܐ، ܐܵܘ ܟܠ ܡܵܢܝܼ ܕܒܵܥܹܐ ܒܝܼ ܪ̈ܥܵܫܝܵܬܹܗ ܕܗܵܘܹܐܠܹܗ ܕܲܪܓܼܐ ܥܸܠܠܵܝܐ، ܐܵܘ ܚܲܕ̄ ܩܸܢܛܪܘ̇ܢ ܘܫܲܘܦܐ ܫܕܲܬܵܝܐ(ܘܲܕܼܝܼܦ̮ܝܼ) ܪܵܡܵܢܐ ܕܝܼܬܠܹܗ ܢܝܼܫܐ ܒܝܹܗ ܘܒܵܥܹܐ ܕܫܲܪܪܹܗ ܒܟܠܲܝܗܝ̈ ܡܸܨܥ̈ܐ ܡܸܬܼܡܵܨܝܵܢ̈ܐ، ܘܒܙܲܒܼܢܐ ܕܟܘܼܦܘܼܬܼܐ ܕܒܸܚܵܝܐ ܝ̄ܘܲܚ̈ ܒܝܹܗ ܡܫܘܼܚܠܸܦܠܵܗ̇ ܚܙܵܝܬܐ ܕܒܲܪܢܵܫܘܼܬܼܐ ܠܦܲܪܨܘ̇ܦܐ ܟܲܕܵܒܼܐ(ܕܲܓܵܠܐ) ܟܲܕ ܦܝܼܫܠܹܐ ܒܲܪܢܵܫܐ ܟܲܕܵܒܼܐ ܒܸܥܝܐ ܘܡܘܼܚܸܒܐ ܘܲܦܪܝܼܫܐ ܒܸܫ ܣܲܓܝܼ ܡܢ ܐ̄ܢܵܫ̈ܐ ܐ̄ܚܹܪ̈ܢܹܐ ܘܦܝܼܫܠܹܐ ܚܫܝܼܒܼܵܐ ܫܲܦܝܼܪ ܕܓܵܘ ܕܵܪܹܗ ܘܫܲܠܝܼܛܐ ܕܙܲܒܼܢܹܗ ܘܟܲܫܝܼܪܐ ܘܦܘ̇ܠܝܼܛܝܼܩܵܝܐ ܡܗܝܼܪܐ، ܘܟܡܐ ܕܗܵܘܹܐ ܢܟܼܝܼܠܐ ܘܦܲܢܕܵܢܐ ܝܼܠܹܗ ܓܵܘ ܚܙܲܝܬܐ ܘܬܲܚܡܵܢܬܐ ܕܦܲܪܨܘ̇ܦ̈ܐ ܡܢ ܡܵܪ̈ܵܘܵܬܼܐ ܕܦܘܼܠܵܓܼܐ ܒܸܫ ܚܲܝܠܬܼܵܢܐ ܘܒܸܫ ܐܲܢܸܢܩܵܝܐ ܘܒܸܫ ܡܵܪܹܐ ܐܝܼܩܵܪܐ، ܘܐܵܢ̈ܝܼ ܡܵܪ̈ܵܘܵܬܼܐ ܕܦܘܼܠܵܓܼܐ ܓ̮ܘܼܪܒܠܗ̄ܘ̇ܢ ܒܟܠܲܝܗܝ̈ ܫܒܼܝܼܠ̈ܐ ܘܟܠܲܝܗܝ̈ ܡܸܨܥ̈ܐ ܠܲܥܒܼܵܕܵܐ ܡܸܬܼܢܵܩܡܵܢܘܼܬܼܐ ܘܲܩܪܵܒܼܵܐ ܥܲܡ ܡܵܪ̈ܵܘܵܬܼܐ ܕܲܫܪܵܪܐ ܡܵܪ̈ܵܘܵܬܼܐ ܕܫܲܪܝܼܪܘܼܬܼܐ ܦܫܝܼܛܬܵܗ̇ ܕܠܐ ܫܵܩܠܝܼ ܦܲܬܼܘܵܬܼܐ ܘܠܐ ܦܵܣܥܝܼ ܒܵܬܪ ܢܟܼܝܼܠ̈ܐ ܒܒܲܛܝܼܠܘܼܬܼܐ ܘܡܲܡܠ̈ܐ ܟܲܕܵܒܼ̈ܐ، ܟܲܕ ܫܩܝܼܠܗ̄ܘ̇ܢ ܠܚܲܟܝܼܡܘܼܬܼܐ ܡܢ ܫܘ̇ܥܝܵܬܼܐ ܥܲܬܝܼܩ̈ܐ ܕܒܹܐܡܵܪܐ ܝ̄ܠܵܗ̇ ܚܲܕ̄ ܡܢܲܝܗܝ̈، ܒܚܲܕ̄ ܝܵܘܡܐ ܫܪܵܪܐ ܘܟܲܕܵܒܼܘܼܬܼܐ ܐ̄ܙܠܗ̄ܘ̇ܢ ܕܚܲܝܦܝܼ ܗ̄ܘܵܘ ܒܚܲܕ̄ ܡܲܒܘܼܥܐ ܕܡܲܝܐ ܪܲܕܼܝܵܢܐ، ܘܚܝܼܦܠܵܗ̇ ܟܲܕܵܒܼܘܼܬܼܐ ܒܩܲܕ̄ܡܵܝܬܐ ܘܲܦܠܝܼܛܠܵܗ̇ ܡܢ ܬܚܘܼܬ ܡܲܒܘܼܥܐ ܕܡܲܝܐ ܘܲܠܒܼܝܼܫܠܵܗ̇ ܠܒܼܝܼܫܬܐ ܕܲܫܪܵܪܐ ܘܲܪܚܝܼܩܠܵܗ̇، ܘܐܝܼܡܵܢ ܕܲܦܠܝܼܛܠܵܗ̇ ܫܲܪܝܼܪܘܼܬܼܐ ܡܢ ܬܚܘܼܬ ܡܲܒܘܼܥܐ ܕܡܲܝܐ ܘܠܐ ܚܙܹܐܠܵܗ̇ ܠܒܼܝܼܫܬܵܗ̇ ܠܐ ܠܒܼܝܼܫܠܵܗ̇ ܠܒܼܝܼܫܬܐ ܕܟܲܕܵܒܼܘܼܬܼܐ ܘܲܦܣܝܼܥܠܵܗ̇ ܒܲܝܢܵܬܼ ܐ̄ܢܵܫ̈ܐ ܫܠܘܼܚܵܝܬܵܗ̇، ܩܝܼܡܠܗ̄ܘ̇ܢ ܐ̄ܢܵܫ̈ܐ ܘܲܡܪܘܼܦܹܐ ܠܗ̄ܘ̇ܢ ܡܢ ܦܘܼܡܲܝܗܝ̈ ܡܲܡܠ̈ܐ ܒܡܲܚܟܵܝܵܬܼܐ ܟܘ̇ܦ̈ܐ ܘܣܲܪ̈ܝܹܐ ܘܡܘܼܣܠܝܼ̈ܐ ܘܒܸܪܕܵܦܐ ܩܐ ܫܪܵܪܐ ܒܒܝܼܫܘܼܬܼܐ، ܐܝܼܢܐ ܟܲܕܵܒܼܘܼܬܼܐ ܚܙܹܐܠܵܗ̇ ܩܒܵܠܬܐ ܕܝܼܩܵܪܐ ܓܘܼܒܼܪܐ ܘܛܵܒܼܘܼܬܼܐ ܡܢ ܟܠܲܝܗܝ̈ ܡܛܠ ܐ̄ܢܵܫ̈ܐ ܦܝܼܫܠܗ̄ܘ̇ܢ ܢܦܝܼܠ̈ܐ ܬܚܘܼܬ ܦܲܢܕܐ ܕܨܘܪܬܐ ܕܕܲܓܵܠܘܼܬܼܐ ܘܒܲܠܒܼܘܼܫ̈ܐ ܕܩܵܡ ܓܲܢܒܼܵܠܗ̄ܘ̇ܢ ܡܢ ܫܪܵܪܐ، ܘܐܲܚܢܲܢ ܐܸܕܝܘ̇ܡ ܝܵܘܡܐ ܟܡܐ ܣܢܝܼܩܹ̈ܐ ܝ̄ܘܲܚ ܥܲܠ ܡܲܬܠ̈ܐ ܕܗܵܘ ܥܸܠܡܵܝܐ ܬܹܒܹܝܠܵܝܐ ܡܝܲܩܪܐ ܕܩܲܕ̄ܡ ܩܵܪܹܐܠܹܗ ܚܲܠܝܼܦܐ ܡܲܢܨܘ̇ܪ ܒܚܲܕ̄ ܡܢ ܝܵܘܡܵܬܼܐ ܕܝܵܗܒܸܠܹܗ ܟܘܼܪܣܝܐ ܕܲܝܵܢܐ ܕܕܲܝܵܢ̈ܐ، ܐܝܼܢܐ ܠܐ ܩܒܝܼܠܹܐ ܓܲܒܼܪܐ ܕܝܵܬܒܼ ܠܗܵܘ ܟܘܪܣܝܐ ܚܲܕ̄ܬܐ ܘܐܝܼܡܵܢ ܕܲܕܒܝܼܫܠܹܐ ܒܝܹܗ ܡܲܢܨܘ̇ܪ، ܐ̄ܡܝܼܪܹܐ ܗܵܘ ܓܲܒܼܪܐ ܝܐ ܡܵܪܝܼ ܐܢܐ ܠܐ ܝ̄ܘܢ ܚܫܝܼܚܐ ܕܫܵܩܠܸܢ ܐܵܗܐ ܟܘܼܪܣܝܐ ܐܲܢܸܢܩܵܝܐ ܡܛܠ ܠܐ ܝ̄ܘܸܢ ܒܸܚܙܵܝܐ ܓܵܐܢܝܼ ܕܲܚܫܝܼܚܵܐ ܝ̄ܘܸܢ ܠܐܵܗܐ ܫܲܘܦܐ ܕܝܼܩܵܪܐ، ܐ̄ܡܝܼܪܹܐ ܩܵܬܹܗ ܡܲܢܨܘ̇ܪ ܐܲܢ̄ܬ ܝܼܘܸܬ ܕܲܓܵܠܐ ܡܛܠ ܝܼܘܸܬ ܓܲܒܼܪܐ ܒܸܫ ܛܵܒܼܵܐ ܘܒܸܫ ܡܲܨܝܵܢܐ ܡܢ ܟܠܲܝܗܝ̈ ،، ܐ̄ܡܝܼܪܹܐ ܗܵܘ ܓܲܒܼܪܐ ܡܲܠܝܵܢܬܐ ܝ̄ܠܵܗ̇ ܕܡܵܪܝܼ ܐܲܡܝܼܪܐ ܕܲܡܗܲܝܡܢ̈ܐ ܒܸܣܗܵܕܐ ܝ̄ܠܹܐ ܥܲܠܠܝܼ ܕܝܼܘܸܢ ܐ̄ܢܵܫܐ ܟܲܕܵܒܼܵܐ، ܘܟܲܕܵܒܼܵܐ ܠܐ ܝ̄ܠܹܐ ܚܫܝܼܚܐ ܕܗܵܘܹܐ ܕܲܝܵܢܐ،،[/size]

[size=48]ܬܲܪܓܵܡܬܐ؛ ܥܲܒܼܕܝܼܫܘ̇ܥ ܣܵܗ̄ܕܐ ܝܘܼܚܲܢܐ[/size]
 


[ندعوك للتسجيل في المنتدى أو التعريف بنفسك لمعاينة هذا الرابط]